სისხლიანი გარჩევა თბილისში - ვინ არის გარდაცვლილი 19 წლის ბიჭი და რატომ გაიმეტეს ის სასიკვდილოდ (ახალი დეტალები)

კრიმინალი - 13:48, 04 Mar, 2021

3500

თბილისში, დიდ დიღომში მომხდარი სისხლიანი ანგარიშწორების შესახებ დამატებითი დეტალები ხდება ცნობილი - მოკლულია 19 წლის შოთა ქულუსაშვილი. მას 2 ტყვია ზურგში ჰქონდა მოხვედრილი, რაც საბოლოოდ სასიკვდილო აღმოჩნდა.

დაჭრილი კი 33 წლის თორნიკე გადელიაა, რომელიც შემთხვევის ადგილიდან კლინიკაში ტაქსის მძღოლმა გადაიყვანა. ის ღუდუშაურის კლინიკაშია მოთავსებული.

დაუდასტურებელი ინფორმაციით, გადელია მკვლელობაში ბრალდებულს ახლდა თან და ის მისი მეგობარია.

მკვლელობის ბრალდებით კი 37 წლის მამაკაცია დაკავებული. ერთ-ერთი ვერსიით, შოთა ქულუსაშვილის მკვლელობის შემდეგ, ბრალდებულმა ტაქსი გააჩერა, მძღოლს კი უგონო მდგომარეობაში მყოფი გადელიას კლინიკაში გადაყვანა სთხოვა.

არსებული ინფორმაციით, შოთა ქულუსაშვილი წარსულში არსებულ უთანხმოებას ემსხვერპლა. ქულუსაშვილი წარსულში ნასამართლევია და საბყრობილე ცოტა ხნის წინ დატოვა.

ირკვევა ისიც, რომ მოკკლულ შოთა ქულუსაშვილს, სახლში მიაკითხეს და საქმის გასარჩევად გაიყვანეს. სისხლიანი ანგარიშსწორება კი ტყეში მოხდა.

რაც შეეხება დაპირისპირების დროს დაჭრილი თორნიკე დანელიას მისი მდგომარეობა მძიმეა. ცნობილია, რომ უგონო მდგომარეობაში მყოფი ახალგაზრდა საავადმყოფოში რომან ხარაზიშვილმა გადაიყვანა.

მკვლელობის შემდეგ, ხმაური იყო ხარაზიშვილის სახლშიც, სადაც პოლიცია შეიჭრა და ჩხრეკა ჩაატარა.

ავტორი: დავით ჯაბაშვილი