13 წლის გოგონამ შვილი გააჩინა - "დედის მეგობარმა მამაკაცმა, 50 წლის კაცმა გააუპატიურა"- რას ამბობენ გორში

შემთხვევა - 13:36, 04 Mar, 2021

8314

13 წლის გოგონას მიერ ბავშვის გაჩენის შესახებ "ნიუპოსტზე" გასული მასალის შემდეგ, ჩვენ დამატებითი და კიდევ უფრო შემზარავი ამბავი შევიტყვეთ.

წყარო ამბობს, რომ გოგონა 12 წლის ასაკში სექსუალური ძალადობის მსხვერპლი გახდა, დანაშაულისთვის დაკავებული მამაკაცი კი მისივე თანასოფლელი 50 წლამდე მამაკაცია.

ირკვევა ისიც, რომ მოზარდმა ბავშვი თბილისში გააჩინა. შემზარავი ფაქტი კი შიდა ქართლის ერთ-ერთ სოფელში მოხდა.

"ნიუპოსტის" წყაროს ამბობს, რომ 12 წლის გოგონა ძალადობის მსხვერპლი რამდენჯერმე გახდა.
წყარო ირწმუნება, რომ მოზარდზე სექსუალურად დედის მეგობარმა მამაკაცმა იძალადა. ჩვენი რესპონდენტი ირწმუნება, რომ "გოგონა გააუპატიურეს".
დაორსულების შემდეგ, დედამ მოზარდი თბილისში გადმოიყვანა.

გამოძიება ამ დრპისთვის გაუპატიურებას არ ადასტურებს. გომელაურის უწყებამ ძიება 140-ე მუხლით დაიწყო, რაც გულისხმობს სექსუალური ხასიათის შეღწევა თექვსმეტი წლის ასაკს მიუღწევლის სხეულში.

აღსანიშნავია, რომ ფაქტი, გასული წლის ზაფხულში მოხდა. გოგონა და ჩვილი ამჟამად ბავშვთა სახლში იმყოფებიან. არასრულწლოვანი დაწესებულებაში 18 წლამდე დარჩება.