იაპონიის მთავრობა ტოკიოს ოლიმპიადის უცხოელი მაყურებლების გარეშე ჩატარების საკითხს განიხილავს. საბოლოო გადაწყვეტილება მთავრობამ მარტის ბოლომდე უნდა მიიღოს.

შეგახსენებთ, რომ ოლიმპიადა , რომელიც ტოკიოში 2020 წლის ზაფხულში უნდა ჩატარებულიყო, სწორედ კორონავირუსის გავრცელების გამო გადაიდო. ბუნებრივია, ზ.ა. გადაწყვეტილების მიღების შემთხვევაში ქვეყანა, რომელმაც სპორტული ღონისძიების გადადების გამო უკვე საკმაოდ დიდი ზარალი ნახა, კიდევ უფრო დაზარალდება.

ოლიმპიადის საორგანიზაციო კომიტეტის ხელმძღვანელს, სეიკო ჰაშიმოტოს მიაჩნია, რომ ოლიმპიადა, უცხოელი მაყურებლის დასწრებითა უნდა ჩატარდეს, უსაფრთხოების ყველა ზომის დაცვით.

ცნობილია, რომ ამ საკითხს ყველა დაინტერესებული პირი განიხილავს. კონსულტაციები მიმდინარეობს საერთაშორისო ოლიმპიური კომიტეტის, იაპონიის მთავრობისა და ტოკიოს ადმინისტრაციის წარმომადგენლებთან.