ნავალნის პოლიტიკური დევნა და მოწამვლა - აშშ-მა და ევროკავშირმა რუსეთს სანქციები დაუწესა

მსოფლიო - 10:07, 03 Mar, 2021

1359

ალექსეი ნავალნის მოწამვლისა და პოლიტიკური დევნის გამო აშშ-მა და ევროკავშირმა რუსეთს სანქციები დაუწესეს.
2 მარტს სანქციები დაუწესა 4 რუს მოხელეს ოპოზიციონერი პოლიტიკოსის, ალექსეი ნავალნი დაკავებისა და მისი შემდგომი დევნის გამო ევროკავშირმაც.
ევროკავშირის სანქციების შესახებ ცნობა გამოქვეყნებულია გაერთიანების ოფიციალურ გამოცემაში.
ტექსტში არ არის მითითებული ის პირები, ვისზეც სანქციოები გავცელდება. მაგრამ გერმანული გამოცემების Bild-ისა და Focus-ის თანახმად, სანქციების ქვეშ აღმოჩნდნენ რუსეთის საგამოძიებო კომიტეტის ხელმძღვანელი ალექსანდრ ბასტრიკინი, რუსეთის გვარიის სარდალი, ვიქტორ ზოლოტოვი, სასჯელაღსრულების დეპარტამენტის დირექტორი ალექსანდრ კალაშნიკოვი და რუსეთის გენერალური პროკურორი, იგორ კრასნოვი.

ახალი სანქციების დაწესების შესახებ განაცხადა აშშ-მაც. ვაშინგტონის სანქციების სამიზნეა, როგორც რუსი მოხელეები, ისე კომპანიები, - განაცხადა აშშ-ის პრეზიდენტ ჯო ბაიდენის ადმინისტრაციის წარმომადგენელმა, რომელმაც დასძინა, რომ ვაშინგტონი დარწმუნებულია, რომ ოპოზიციის წარმომადგენელზე თავდასხმასთან კავშირის აქვს რუსეთის ხელისუფლებას.

სატელეფონო ბრიფინგის დროს ითქვა, რომ ბაიდენის ადმინისტრაცია არ აპირებს არც ურთიერთობის გადატვირთვას და არც ვაშინგტონსა და მოსკოვს შორის ესკალაციას. მაგრამ აღინიშნა, რომ აშშ-ი თავის პარტნიორებთან ერთად შეეცდება „რუსეთს აგებინოს პასუხი, როდესაც ის საზღვრებს გადავა“.