მსხიობ გოგოლა კალანდაძის მეუღლეზე , ირაკლი ფერაძეზე , თითქმის არაფერია ცნობილი - მათ შორის, საზოგადობამ არ იცის რა პროფესიისაა და რას საქმიანობს.

გოგოლა საკმაოდ აქტიურია და საზოგადოებამ მასზე ბევრი რამე იცის , მათ შორის ის რომ ირაკლი გოგოლას მეორე ქმარია და მასთან მსახიობს სამი შვილი ჰყავს – დათუკა, ანამარია და დარია. მსახიობის უფროსი ქალიშვილი, ელენე ზურაბიშვილი კი 21 წლის გახლავთ…

თუმცა, რაღაც დეტალები ცნობილი გახდა, სულ ახლახან ირაკლი გადაცემის – “ყველაფერი ღვინოზე ანა გოდაბრელიძესთან ერთად” სტუმარი გახლდათ, სადაც მან თავის საქმიანობაზე ისაუბრა.

მისი თქმით, მეღვინეობას ოცი წლის შემდეგ, 2008 წელს მიბრუნებია, თუმცა არასდროს ეგონა, რომ ეს საქმე ისევ შეუყვარდებოდა.

"პირველი ღვინო ჩემს აგარაკზე, არმაზში დავაყენე. მეგობრებს სულ ვაკრიტიკებდი, რა თქვენი საქმეა ღვინის დაყენება, წადით, იყიდეთ და მაღალი ხარისხის ღვინო მოიხმარეთ-მეთქი. მაგრამ ღვინოს დაყენება ქართველებს გენში გვაქვს. ის ჩვენს ბუნებაში ერთ-ერთი კომპლექსური სითხეა.

არ ვეთანხმები – დააყენე, წამოწექი და მერე ოდესღაც მიდი, მოხადე და ამოიღე. ღვინოს მუდმივი ჩართულობა სჭირდება, სათანადო ხარისხის მისაღებად, 24 საათიან შრომას ითხოვს.

როგორც მშობელი ვერ გამოარჩევს შვილს, ისე ვერ გეტყვით, რომელი ჯიშის ღვინო უფრო მიყვარს საკუთარი ღვინოებიდან. შეიძლება დღეს ერთი ჯობდეს მეორეს, უფრო მეტი პრიორიტეტი ჰქონდეს, მეორე წელს – სხვას. ეს ბუნებრივად ხდება.

მე დღეს სიღრმისეული ცოდნა მაკავშირებს მეღვინეობასთან. არის წიგნები, რომელსაც პერიოდულად ვუბრუნდები ხოლმე.

ეს არის ჩემი ოჯახის ბიზნესი და ძალიან მსიამოვნებს, რომ ამაში მე მარტო არ ვარ ჩართული. მშობლები, ძმა, ძმისშვილები, შვილები, ყველანი ჩართულები არიან მასში და ამაშია ბედნიერება…" ,- ამბობს ფერაძე გადაცემაში.