73 წლის ფრანგი მსახიობი ჟერარ დეპარდიე, რომელიც ბოლო წლების განმავლობაში რუსეთის პრეზიდენტის პუტინის მიმართ ზედმეტი სიყვარულით გამოირჩეოდა, სექსუალურ სკანდალში გაეხვა - საფრანგეთის პროკურატურამ მას 20 წლის მსახიობის გაუპატიურებისთვის წაუყენა ბრალი.

როგორც ფრანგული მედია იუწყება, სამი წლის წინ დეპარდიე ახალგაზრდა მსახიობ ქალს კარიერის აწყობას დაჰპირდა, ამ მიზნით საკუთარ სახლში "რეპეტიციისთვის" დაიბარა, სადაც მასზე იძალადა.

2018 წელს მომხდარ ძალადობაზე საქმე ერთ წელიწადში აღიძრა, თუმცა, მტკიცებულებათა სიმცირის გამო, მალევე შეჩერდა. 2020 წელს კი ახალგაზრდა ქალის გადაწყვეტილებით, გამოძიება ისევ განახლდა.