46 წლის ბიზნესმენი ვახო ფაილოძე გამთენიისას თბილისში უცნაურ ვითარებაში გაუჩინარდა: 03:05-ზე მან მეუღლეს დაურეკა და უთხრა, რომ ვაკე-საბურთალოს ახალ გზაზე იმყოფებოდა და შინ ბრუნდებოდა, თუმცა, სახლში არ მისულა.

ამის შესახებ საინფორმაციო სააგენტო „ტელეგრაფი“ გაუჩინარებული ბიზნესმენის მეგობარზე დაყრდნობით იუწყება. როგორც „ტელეგრაფის“ ინფორმაციაშია აღნიშნული, ვახო ფაილოძის მეგობარმა ნატო ჯოხაძემ დახმარებისთვის მათ მიმართა და უთხრა, რომ ბიზნესმენი საკუთარი „BMV X5“-ით, სახელმწიფო ნომრით PPP 475 საღამოს 12 საათისთვის მეგობართან შესახვედრად გავიდა სახლიდან

„ტელეგრაფის“ ცნობაში აღნიშნულია, რომ ავტომანქანის მოძრაობის მონაცემები საპატრულო პოლიციაში გადამოწმდა და ამ დროისთვის ცნობილია, რომ ის თბილისიდან არ გასულა. ბიზნესმენი არც მეუღლეს დაკონტაქტებია და ამასთან ერთად, ის სატელეფონო კავშირისთვისაც მიუწვდომელია. წინასწარი ინფორმაციით, ფაილოძე ნასვამი იყო.

„თუ ვინმე შეამჩნევთ მოძრავ, ან გაჩერებულ ამ მანქანას, დაგვიკავშირდით: 599509071- სოფო, 558368821- შორენა, 599549100 – ნატო“ - უთხრა „ტელეგრაფს“ ჯოხაძემ.

ბიზნესმენის გაუჩინარების ფაქტს უკვე იძიებს შსს.