14 წლის გოგოს ბიძა, რომელმაც სიცოცხლე თვითმკვლელობით დაასრულა, დედის ბრალდებებს პასუხობს და ბავშვის მიმართ მუქარასა და ცემის ფაქტს კატეგორიულად უარყოფს.

"ეს არის ცრუ ინფორმაცია, საერთოდ შეხება არ მქონია ბავშვთან. მე პირადად და არც ჩემს ძმას. გამომძიებლებმა გაარკვიეს ყველაფერი, ბავშვზე ხელი არ არის დანადები. რაც მოხდა, გაირკვა. ბავშვთან შეხება არ მქონია. დედამისს აგებინეთ პასუხი ცრუ ინფორმაციაზე", - აცხადებს ამირან ცეცხლაძე.

სავარაუდოდ, გამოძიებამ უნდა დაადგინოს, ვინ იძალადა ფიზიკურად ნინიზე - 23 წლის ნ.ტ.-მ, რომელსაც ოჯახი გაუპატიურებაში სდებს ბრალს თუ ნათესავებმა, რომლებმაც გადაწყვიტეს, რომ არასრულწლოვანი ასე უნდა დაესაჯათ.