IFAD-ი საქართველოში ახალ პროექტს განახორციელებს

ბიზნესი & ეკონომიკა - 13:59, 06 Dec, 2013

3508

სოფლის მეურნეობის მინისტრი შალვა ფიფია სოფლის მეურნეობის განვითარების საერთაშორისო ფონდის (IFAD) წარმომადგენლებს შეხვდა. მინისტრმა ისაუბრა IFAD-თან მრავალწლიან და ნაყოფიერ თანამშრომლობაზე, რომლის ფარგლებშიც სარწყავი და სადრენაჟე არხების და სხვა ინფრასტრუქტურული ობიექტების რეაბილიტაცია-რეკონსტრუქცია განხორციელდა.

სოფლის მეურნეობის განვითარების საერთაშორისო ფონდის საქართველოს პროექტების ხელმძღვანელმა დინა სალეჰიმ დადებითად შეაფასა სოფლის მეურნეობის სამინისტროს მიერ სასოფლო-სამეურნეო კოოპერატივების განვითარების ხელშეწყობა. მან აღნიშნა, რომ მსოფლიო ბანკის და IFAD-ისა ხელშეწყობით, მომავალ წელს საქართველოში ახალი პროექტი დაიწყება. რომელის ფარგლებშიც მოხდება საირიგაციო არხებით მოსარგებლე ფერმერების ინსტიტუციონალური განვითარება. სასოფლო-სამეურნეო კოოპერატივების ჩართულობა, პროექტის ეფექტურად განხორციელებას შეუწყობს ხელს.

როგორც შეხვედრაზე აღინიშნა, მსოფლიო ბანკისა და IFAD-ის ახალი პროექტი ,,ირიგაციისა და მიწის ბაზრის განვითარება“ მომზადება პროცესშია და სავარაუდოდ მისი განხორციელება მომავალი წლის აპრილიდან დაიწყება. პროექტი ითვალისწინებს საირიგაციო სისტემების გაუმჯობესებას და მიწის ბაზრის განვითარების ხელშეწყობას.