კარგი ამბავი - ევროკავშირი და მსოფლიო ჯანდაცვის ორგანიზაციის რეგიონული ოფისი კორონავირუსის ვაქცინების გადანაწილებისთვის და ვაქცინაციის პროცესის წარსამართად ექვს ევროპის პარტნიორ ქვეყანასთან, მათ შორის, საქართველოსთან ითანამშრომლებენ – ამის შესახებ ოფიციალურ ინფორმაციას მსოფლიო ჯანდაცვის ორგანიზაციის რეგიონული ოფისი ავრცელებს.

ორგანიზაციის ცნობით, პროექტის ფარგლებში ევროკავშირსა და WHO-ს სურთ დარწმუნდნენ რომ აღმოსავლეთ პარტნიორი ქვეყნები ვაქცინაციისთვის მზად არიან, აქვთ შესაბამისი აღჭურვილობა და ყავთ მცოდნე სამედიცინო პერსონალი.

"კორონავირუსის ვაქცინების გადანაწილებისთვის და ვაქცინაციის მხარდასაჭერად ევროკავშირი და მსოფლიო ჯანდაცვის ორგანიზაციის რეგიონული ოფისი, ექვს ევროპის პარტნიორ ქვეყანასთან – სომხეთი, აზერბაიჯანი, ბელარუსი, საქართველო, მოლდოვა და უკრაინა, ითანამშრომლებს" – ნათქვამია WHO-ს განცხადებაში.

ცნობისთვის, ჯანდაცვის რეგიონული ორგანიზაციის დანერგილი პროექტის ხარჯებს ევროკავშირი დაფარავს, საერთო ბიუჯეტი 40 მილიონი ევროა.