"ალბათ ემუქრებოდა მოგკლავო... ბავშვმა მითხრა, ასე მიქნაო, სექსუალურად იძალადა და ძაღლივით გამომაგდოო"- ქობულეთში დატრიალებული ტრაგედიის ახალი დეტალები

შემთხვევა - 12:19, 11 Feb, 2021

3856

ქობულეთში დატრიალებულმა შემზარავმა ტრაგედიამ მთელი საქართველო შეძრა - 13 წლის გოგონა საკუთარი სახლის ეზოში ბაბუამ ხეზე ჩამომხვალი ნახა.

როგორც ირკვევა, მოზარდი რამდენიმე თვის წინ, 23 წლის ბიჭმა სავარაუდოდ გააუპატიურა. ბრალდებული კი მხოლოდ მას შემდეგ დააკავეს, რაც მოზარდმა თავი ჩამოიხრჩო.

გარდაცვლილი გოგონას ბაბუა აცხადებს, რომ არასრულწლოვანი ექვსი თვის წინ გააუპატიურეს, ოჯახმა კი ამის შესახებ ორი თვის წინ გაიგო.

"ბავშვი ბლის ხეზე, ჩამოკიდებული ვნახე... არ თქვა ბავშვმა, დამალა, ალბათ დაემუქრა მოგკლავო. 6 თვის შემდეგ ისევ მოაკითხა და მეორეჯერ იძალადა. ამის შემდეგ დაიწყო გამოძიება. ბავშვმა მითხრა, ასე მიქნაო, ისევ იძალადა და ძაღლივით გამომაგდოო"- აცხადებს გარდაცვლილის ბაბუა.

მისი ინფორმაციით ბრალდებული ჩაქვიდანაა.

მოზარდის ბაბუა აღნიშნავს, რომ მოზარდის გაუპატიურებასთან დაკავშირებით პოლიცი ინფორმირებული იყო. ჩატარდა შესაბამისი ექსპერტიზაც, თუმცა პასუხებმა დაიგვიანა, რასაც გოგონა ძალიამ განიცდიდა.

კიდევ ერთი არაოფიციალური ინფორმაციით, მას შემდეგ რაც ოჯახმა გოგონას გაუპატიურების შესახებ შეიტყო, არასრულწლოვანზე ფიზიკურად იძალადეს, რასაც ბაბუა კატეგორიულად უარყოფს.