თეთრი "შკოდს" მარკის ავტომობილი, რომლითაც სავარაუდოდ, ქვეყნის ნომერ პირველი ტერორისტი , ბადრი ესებუა გადაადგილდებოდა თავის მოკავშირეს, შალვა გულუას, თავად - საკუთარი ფინანსებით აყიდინა. "მთავარი არხის" ინფორმაციით, სავარაუდოდ, ამავე მანქანით უნდა ყოფილიყო ის იმ ღამესაც, როდესაც სპეცრაზმელები დაედევნენ, თუმცა, საბოლოოდ, მოკავშირის სადისტრიბუციო მანქანაში აღმოჩნდა.

ერთ-ერთი ვერსიით, გულუა, სინამდვილეში სუს-ის აგენტია, რომლის დახმარებითაც სპეცრაზმი ბადრი ესებუას აყვანას ცდილობდა, მაგრამ ოპერაცია ჩაუვარდათ.

"მთავარის" ინფორმაციითვე, სპეცოპერაციის დროს დაიჭრა შალვა გულუა.

შსს-ში ტრადიციულად ყველაფერს უარყოფენ და ამბობენ, რომ არანაირ სპეცოპერაციას ადგილი არ ჰქონია.