ბოლო მონაცემებით, მსოფლიოში კორონავირუსის საწინააღმდეგო ვაქცინაცია 128.7 მილიონზე მეტ ადამიანს ჩაუტარდა - ინფორმაციას გამოცემა Bloomberg-ი ავრცელებს.

მათ შორის, აშშ-ში 40.5 მილიონზე მეტი ადამიანი აიცრა. აშშ-ს ჩინეთი მოჰყვება 31.2 მილიონზე მეტი ვაქცინირებული პაციენტი - ევროკავშირში კი, საერთო ჯამში ვაქცინაცია 16.5 მილიონ ადამიანს ჩაუტარდა.

გამოცემის ცნობით, მსოფლიოში ვაქცინაცია ყოველდღიურად საშუალოდ 4.6 მილიონ ადამიანს უტარდება.

აღსანიშნავია, რომ ყველაზე სწრაფი ტემპით მოსახლეობის ვაქცინაცია ისრაელში მიმდინარეობს, სადაც უკვე 5.4 მილიონი ადამიანი აიცრა, რაც მთლიანი მოსახლეობის 59.9%-ს შეადგენს. ისრაელის გარდა, ვაქცინაცია სწრაფი ტემპით არაბთა გაერთიანებულ საამიროებში, ინდოეთსა და გაერთიანებულ სამეფოში მიმდინარეობს.