ფოთში მკვლელობის საქმეზე ბრალდებულის გათავისუფლების სანაცვლოდ 30 000-ლარიან გირაოს შუამდგომლობას დავაყენებ

ფოთში მკვლელობის საქმეზე ბრალდებულის გათავისუფლების სანაცვლოდ 30 000-ლარიან გირაოს შუამდგომლობას დავაყენებ - ადვოკატი

სამართალი - 11:53, 07 Feb, 2021

1444

ფოთში მომხდარი მკვლელობის საქმეზე დაკავებულის ადვოკატი, ნუგზარ ტყებუჩავა აცხადებს, რომ სურთ სასამართლოს ბრალდებულის გათავისუფლების სანაცვლოდ 30 000 ლარიანი გირაო შესთავაზონ.

მისივე თქმით, არის თუ არა სასამართლო დამოუკიდებელი, ეს მიღებული გადაწყვეტილებით გაირკვევა.

"ჩვენ გვინდა შევთავაზოთ სასამართლოს შალიკაშვილის გათავისუფლება გირაოს სანაცვლოდ, რომლის ოდენობაც არის 30 000 ლარი. მოლოდინი გვაქვს ერთადერთი, სასამართლო იქნება თუ არა მოწოდების დონეზე , გათავისუფლებულია თუ არა იგი ძველი მენტალიტეტისაგან , იქნება თუ არა ის დამოუკიდებელი , სწორედ ამაზეა დამოკიდებული მისი გადაწყვეტილება . მე ვესაუბრე ჩემი დაცვის ქვეშ მყოფს, იგი ბრალს არ აღიარებს .ის ამბობს, რომ არანაირი შემხებლობა ამ საქმესთან მას არა აქვს. მკვლელობის დროს იმყოფებოდა ქალაქში, სტომატოლოგიურ კლინიკასთან, სადაც მეუღლე და და ჰყავდა წაყვანილი“, - განუცხადა ჟურნალისტებს ადვოკატმა ნუგზარ ტყებუჩავამ.

შალიკაშვილის აღკვეთის ღონისძიების შეფარდებაზე ზუგდიდის რაიონული სასამართლო დღეს 12:00 საათზე იმსჯელებს.

შეგახსენებთ, რომ 4 თებერვალს ფოთში, შსს-ს მომსახურების სააგენტოსთან საკუთარ ავტომობილში, შვილის თვალწინ ახალგაზრდა მამაკაცი, გურამ ახალაია ჩაცხრილეს. გავრცელებული ინფორმაციით, მკვლელობის მოტივი შურისძიებაა. მკვლელობის ფაქტზე შსს-მ შალვა შალიკაშვილი ცხელ კვალზე დააკავა.მას ბრალი სსკ-ის 108-ე მუხლით აქვს წარდგენილია, რაც განზრახ მკვლელობას გულისხმობს.