ქალი ადასტურებს, რომ შალიკაშვილმა ახალაიაზე "ძმის მკვლელობის გამო" შური იძია.
ბრალდებულის დედა აცხადებს, რომ ბაჩანა შალიკაშვილი პატარა იყო, როცა 2006 წელს, გურამ ახალაიამ მისი მეორე შვილი, გია შალიკაშვილი საქმის გასარჩევად წაიყვანა. ახალგაზრდას "ნაწამები" ცხედარი კი სამი თვის შემდეგ, პალიასტომის ტბაზე, მეთევზეებმა იპოვეს.
"2006 წლის 5 თებერვალს, ამ მეორე შვილის თვალწინ, გურამ ახალაიამ წაიყვანა ჩემი შვილი, ეს ბავშვი იყო მაშინ, ბავშვობიდან ინვალიდია... სამი თვის მერე ის ჩემი შვილი ნაწამები, ვიღაც მეთევზეებმა იპოვეს პალიასტომის ტბაზე", - ამბობს მკვლელობაში ბრალდებულის დედა.
მისი თქმით, გია ნაწამები იყო.
"მაშინვე ვიჩივლე, მაგრამ ეს საქმეც თაროზე შემოდეს... ჩემი შვილი (ბაჩანა შალიკაშვილი) რადგან ავადმყოფია, სულ ვიცავდით ახალიასგან. 15 წელი დღეს შესრილდა ჩემი შვილის მკვლელობიდან"- ამბობს დაკავებულის დედა.
"გია, ტბაში მეათევზეებმა იპოვეს. საშინლად დასახიჩრებული იყო. ვერ შეხედავდი. ბეტონის ფილები ჰქონდა მობმული. ფრჩხილები დამძვრალი ჰქონდა, ამ დანაშაულისთვის არავინ არ დასჯილა. ბიჭი ტყვიით იყო მკვდარი"- აცხადებს გია შალიკაშვილის დედა.
მისი თქმით, გურამ ახალაიას პოლიცია მფარველობდა.
"ის სულ იარაღით დადიოდა"- აღნიშნა ბრალდებულის დედამ.
43 წლის გურამ ახალაია, საკუთარ მანქანაში გუშინ ჩაცხრილეს.
მოკლული გურამ ახალაიას მეუღლე ამტკიცებს, რომ მის ქმარს შალიკაშვილი არ მოუკლავს და ტყუილად აბრალებენ.
"არაფერი ვიცი. ჩემი მეუღლე დამნაშავის ძმის მკვლელობაში წლების წინ იყო ეჭვმიტანილი, მაგრამ მაგ ფაქტთან არავითარი შეხება არ ჰქონია. ჩემი მეუღლე წლებია, რაც ევროპაში იმყოფება და რამდენიმე თვის წინ დაბრუნდა საქართველოში. არანაირი დავა არ ყოფილა", - განაცხადა მოკლული მამაკაცის მეუღლემ.
შალიკაშვილს 7- დან 15 წლამდე პატიმრობა ემუქრება.
ავტორი: დავით ჯაბაშვილი
მასალის გამოყენების პირობები