"ნიუპოსტი" უკვე წერდა იმის შესახებ, რომ 43 წლის გურამ ახალაია, რომელიც საკუთარ მანქანაში დღეს ჩაცხრილეს, შესაძლოა, შურისძიების მსხვერპლი გამხდარიყო.
ჩვენი წყაროს მტკიცებით, სისხლიანი ანგარიშსწორება სწორედ 15 წლის წინ მომხდარ მკვლელობას უკავშირდება. ახალგაზრდა კაცი კი შურისძიების მოტივით, 2006 წელს გარდაცვლილი გია შალიკაშვილის ძმამ, რუსლან შალიკაშვილმა მოკლა.
თავად გია შალიკაშვილი 2006 წელს პალიასტომის ტბაზე მოკლული იპოვეს, მაშინ ახალგაზრდას მკვლელობაზე ახლობლები პასუხისმგებლობას სწორედ გურამ ახალაიას აკისრებდნან. თავად ახალაიამ კი საქართველო მალევე დატოვა და მთელი ამ წლების მანძილზე ემიგრაციაში ცხოვრობდა.
მკვლელობაში ბრალდებული რუსლან შალიკაშვილი ამ წუთებში იკითხება. ის პოლიციამ მომხდარიდან მალევე დააკავა.
მოკლულს 4-ზე მეტი ტყვია აქვს მოხვედრილი, ერთ-ერთი კი სახის არეში.
მკვლელობა ფოთში დღისით, შსს-ს მომსახურების სააგენტოს შენობასთან მოხდა.
ავტორი: დავით ჯაბაშვილი
მასალის გამოყენების პირობები