ალერგოლოგ-იმუნოლოგმა ბიძინა კულუმბეგოვმა ფორმულას ეთერში კორონავირუსის საწინააღმდეგო ვაქცინასა და მასთან დაკავშირებულ პროცედურებზე ისაუბრა. მისი განმარტებით, ჯობია, პირველ ჯერზე ვაქცინა მოწყვლად ჯგუფებს მიეწოდოს, ამაში კი სახელმწიფოს გარდა ბიზნესიც უნდა ჩაერთოს:

"ჯობია, მიზანმიმართულად შეჭირვებულ მოწყვლად ჯგუფებს ვუყიდოთ ეს ვაქცინა და დანარჩენ სეგმენტში კომერციულ სექტორს უნდა მივცეთ აღიარებული, ავტორიტეტული, ჩვენი ქვეყნის მიერ დამოწმებული ვაქცინების ხელმისაწვდომობა, ფასიანი კომერციული გზით. თუ ამას ბიზნესი და სახელმწიფო ერთად არ გააკეთებს, ძალიან ბუნდოვნად ვუყურებ დასახული მიზნის შესრულებას" - განაცხადა კულუმბეგოვმა.