დაავადებათა კონტროლის ეროვნული ცენტრის ხელმძღვანელის ამირან გამყრელიძის ვარაუდით, პანდემიის დამარცხებას მსოფლიო წელიწადნახევარში შეძლებს - ამის შესახებ მან საკოორდინაციო საბჭოს დასრულების შემდეგ განაცხადა. მისი თქმით, ე.წ. საზოგადოებრივი იმუნიტეტის ჩამოყალიბების შემდეგ ცხოვრების ჩვეულ რიტმს დავუბრუნდებით:

“ეს ჩემი პირადი მოსაზრებაა, როდესაც აიცრება მოსახლეობის 60-70% და ჩამოყალიბდება მოსახლეობაში ე.წ. კოლექტიური ანუ საზოგადოებრივი იმუნიტეტი, მაშინ შესაძლებელია იყოს საუბარი, რომ ჩვენ ვუბრუნდებით ჩვეულებრივ რიტმს ცხოვრების, მაგრამ პირბადის ხმარება და შესაბამისად, სხვა კიდევ შეზღუდვების მოხსნა, რასაც თქვენ ცხოვრების ჩვეულებრივ რიტმს ეძახით, მე მაინც ვფიქრობ, რომ სადღაც მომავალი წლისთვის, კიდევ ერთი წელი ან წელიწად-ნახევარი დასჭირდება, საქართველოს კი არა, მთლიანად მსოფლიოს, რომ დაამარცხოს პანდემია და დაუბრუნდეს ცხოვრების ჩვეულებრივ რიტმს”, - განაცხადა გამყრელიძემ.