დაავადებათა კონტროლის ცენტრის ხელმძღვანელის ამრიან გამყრელიძის განცხადებით, გატესტილი ტაქსის მძღოლების, მოვაჭრეებისა და სავაჭრო ცენრების თანამშრომლებში ინფიცირების მაჩვენებელი დაბალია, რაც საკმაოდ დადებითი დინამიკის მანიშნებელია. მისი თქმით, სავაჭრო ცენტრების 6 217 გატესტილი თანამშრომლიდან ვირუსი მხოლოდ სამს დაუდასტურდა:

„მოგეხსენებათ, გაფართოებული ტესტირების ფარგლებში ჯგუფები რაც დაემატა, ტაქსის მძღოლებიდან უკვე 15 ათასამდეა გატესტილი და 0,6%-ია დადებითობის მაჩვენებელი. ბაზრის მოვაჭრეებიდან 9 ათასი ადამიანია გატესტილი და 0,6%-ია დადებითი. 7 ათასამდე რელიგიის მსახურია გატესტილი და 1,3%-ია დადებითი. მოლების და სავაჭრო ცენტრების თანამშრომლებიდან 6217 ადამიანია გატესტილი და 0,1%-ია დადებითი შემთხვევა, სულ 3 დადებითი შემთხვევა არის იდენტიფიცირებული. სკოლის პედაგოგებიდან გატესტილია 6200 ადამიანი და 0,3%-ია იდენტიფიცირებული“,-განაცხადა გამყრელიძემ.