ტანსაცმელში, რომელიც შესაწირის სახით ტაივანის ერთ–ერთი ქალაქის მოსახლეობამ გაიღო, 10 140 დოლარი იპოვეს. ფული წითელ კონვერტში იყო მოთავსებული.

დასუფთავების სამსახურის თანამშრომელმა 28 წლის ხუან ჩი–ლუნგმა მომხდარის შესახებ შესაბამის სამსახურებს შეატყობინა. მან ფული მაშინ იპოვა, როცა სამოსს ახარისხებდა.

სამართალდამცავებმა შესაბამისი სამუშაოების შედეგად იმავე სამოსში ქვითრები აღმოაჩინეს, რომელთა დახმარებითაც ფულის მფლობელს მიაგნეს. ის 72 წლის ქალი აღმოჩნდა.

როგორც მოგვიანებით გაირკვა, ქალის მეუღლემ მოაგროვა სამოსი ჩასაბარებლად, სადაც ის კონვერტი იდო, რომელშიც ქალი ფულს ინახავდა და პენსიაზე გასასვლელად ემზადებოდა.