მომღერალი და ჟურნალისტი ანეტ მიქელაძე სოციალურ ქსელში თემურ წიკლაურის გარდაცვალების ფაქტს ემოციური პოსტით ეხმაურება.

პატარა, ხუჭუჭა, ლამაზ კოლეგასთან ერთად დიდმა თემურ წიკლაურმა დუეტი ჩაწერა და კლიპი გადაიღო. ახლა, ანეტ მიქელაძე სწორედ მასთან ერთად გატარებულ დროს და საუბარს იხსენებს:

“არის ბავშვობის მოგონებები, რომლებიც აქა იქ გახსოვს და მთლიან დღეს ვერ იხსენებ, თუმცა ამ კლიპის გადაღების თითოეული წუთი, როგორ გავიცანი ბატონი თემური, როგორ დავმეგობრდით, რა რჩევები მომცა და როგორ ვუყურებდით დაისს… ყველაფერი მახსოვს.

მართლა არ ვიცოდი მაშინ, ვისთან ერთად მიღებდნენ კლიპში და ზოგადად, რატომ ჰქონდა ყველას მისი რიდი. ჩემთვის, უბრალოდ უკეთილშობილესი კაცის შთაბეჭდილება დატოვა და ძალიან ვნანობ ახლა, რომ ვეღარ შევხვდი დიდობაში.” – წერს ანეტ მიქელაძე.