ბაჩალიაშვილები ახალ სამართლებრივ ბრძოლას იწყებენ - "როგორც სტრასბურგმა დაამტკიცა, რომ საქართველოს არ დაუწყია ომი, ასევე დაამტკიცებს, რომ ჩემს შვილს თავი არ მოუკლავს და ის მოკლეს"

სამართალი - 16:40, 01 Feb, 2021

2884

გარდაცვლილი თამარ ბაჩალიაშვილის დედა სამართლებრივი ბრძოლის ახალ ეტაპს იწყებს - თეონა თამაზაშვილი დარწმუნებულია, როგორც სტრასბურგმა დაამტკიცა, რომ საქართველოს არ დაუწყია ომი, ასევე დაამტკიცებს, რომ მის შვილს თავი არ მოუკლავს და ის მოკლეს.
თამაზაშვილმა დღეს საქალაქო სასამართლოში საჩივრიშეიტანა, თუმცა იქვე თქვა, რომ არ სჯერა ქართული მართლმსაჯულების. მისი თქმით, აპირებენ სტრასბურგის სასამართლოს მიმართონ.
გარდაცვლილი პროგრამისტის ოჯახის ადვოკატებმა და მშობლებმა თბილისის საქალაქო სასამართლოში საჩივარი შეიტანეს. ისინი გარდაცვლილის მამისთვის, ჯუმბერ ბაჩალიაშვილისთვის დაზარალებულის უფლებამონაცვლის სტატუსის დაბრუნებასა და საქმის ხელახალ გამოძიებას ითხოვენ.

“არ ვფიქრობ, რომ სასამართლო დააკმაყოფილებს ჩვენს საჩივარს. არ აზროვნებენ რაციონალურად, ამ ყველაფერს აეხდება ფარდა და მთელი მსოფლიოს მასშტაბით გაიგებენ როგორი გამოძიებაც ჩაატარეს და რა შედეგებიც დადეს. აქვთ კიდევ ერთი შანსი, რომ გონს მოეგონ, დაგვიბრუნონ დაზარალებულის სტატუსი და გადმოგვცენ მასალები. როგორც სტრასბურგმა დაამტკიცა, რომ საქართველოს არ დაუწყია ომი, ასევე დაამტკიცებს, რომ ჩემს შვილს თავი არ მოუკლია და ის მოკლეს“, - განაცხადა თეონა თამაზაშვილმა.