ფსიქოლოგის კონსულტაცია

ბიზნესი & ეკონომიკა - 19:42, 29 Jan, 2021

5440

ვერბალური თუ არავერბალური ზემოქმედება ადამიანის ემოციებზე, თვითშეგნებაზე, აზრებზე, სხვადასხვა ფსიქიკური თუ ნერვული დაავადების დროს, ფსიქიკური ზემოქმედებით მკურნალობა ფსიქოთერაპიის ნაწილია.

პიროვნებაზე ორიენტირებული ფსიქოთერაპიის მიზანია, ადამიანს დაეხმაროს სოციუმისა თუ საკუთარი თავისადმი დამოკიდებულების შეცვლაში. პრაქტიკაში არსებობს, როგორც ინდივიდუალური, ასევე ჯგუფური შეხვედრების მეთოდი. პიროვნებაზე ორიენტირებული ფსიქოთერაპია იყენებს ადამიანის კონფლიქტური განცდების ანალიზის სხვადასხვა ვერსიას. მკურნალობის პროცესი ფსიქოლოგისა და პაციენტის ფსიქოთერაპიულ კონტაქტზეა დამოკიდებული, რომელიც აუცილებლად უნდა ეფუძნებოდეს ურთიერთპატივისცემა, ნდობას და თანაგაცდას, იგივე ემპათიას. წინააღმდეგ შემთხვევაში მკურნალობა შედეგს ვერ გამოიღებს.

პაციენტის წონასწორობის აღსადგენად, მკურნალობის სწორად წარსამართად აუცილებელია ფსიქოლოგიური მეთოდების ინდივიდუალურად შერჩევა და ადეკვატურად გამოყენება. კონტექსტიდან და პიროვნების თავისებურებებიდან გამომდინარე ფსიქოლოგმა უნდა შეძლოს ვითარების სწორად შეფასება და შესაბამისი მეთოდების შერჩევა სწორედ ამიტომ, ფსიქოთერაპევტის პროფესიონალიზმი მის მოქნილობასა და უნარში მდგომარეობს.

ფსიქოლოგიაში არ არსებობს უნივერსალური მეთოდი, რომლის მიხედვით მკურნალობა, ყველა შემთვევაში გამართლებული და წარმატებული იქნება.

ფსიქოთერაპევტი მკურნალობს შემდეგ დაავადებებს:

● მძიმე დეპრესიები, ნებისმიერი მიზეზით აღმოცენებული

● ნევროზები

● ფსიქიკური ტრავმები

● მავნე ჩვევები

● დამოკიდებულებები: ალკოჰოლიზმი, ნარკომანია, აზარტული თამაშებსა და კვებაზე დამოკიდებულება.

● ზედმეტი დაძაბულობა, ნერვული სისტემის ქრონიკული დაღლილობა

● მომატებული მღელვარება

● პანიკური მდგომარეობები და ფობიები

ფსიქოთერაპიის ძირითადი ამოცანებია – საკუთარი თავის შეცნობა, გაანალიზება, დაძაბულობის მოხსნა, რელაქსაცია და ემოციური განტვირთვა.

Redmed არის ინოვაციური პლათფორმა, რომელიც გთავაზობთ ფსიქოლოგის ონლაინ კონსულტაციას. ნებისმიერ ადამიანს შეუძლია სწრაფად და მარტივად დაჯავშნოს ონლაინ ვიზიტი ფსიქოლოგთან და მიიღოს ვიდეო ან აუდიო კონსულტაცია.