მიხელ სააკაშვილის მიერ მალტის ვაქცინის შეთავაზებას ეკონომიკის მინისტრი, ნათია თურნავა პასუხობს და აცხადებს, რომ ეს არის მორიგი ტყუილი და არასერიოზული გამონათქვამი, იმ ფონზე, როდესაც მალტას "თავისთვის არ ჰყოფნის" ვაქცინა.

თურნავამ განაცხადა, რომ მუშაობენ არა მარტო ამ კოვაქს-პლატფორმის შიგნით, არამედ პირდაპირ მომწოდებელ კომპანიებთან.

"ეს არის მორიგი ტყუილი, არასერიოზული გამონათქვამი, იმ დროს, როცა მალტას არ ჰყოფნის თავისთვის ვაქცინა და ეს მთელს მსოფლიოში არის პრობლემა. ჩვენ ვმუშაობთ ძალიან აქტიურად, არა მარტო ამ კოვაქს-პლატფორმის შიგნით, არამედ პირდაპირ მომწოდებელ კომპანიებთან", - თქვა ნათია თურნავამ.

შეგახსენებთ, რომ მიხეილ სააკაშვილი გუშინ, 27 იანვარს, გავრცელებულ ვიდეო- მიმართვაში ამბობს, რომ მალტა, რომელსაც ვაქცინის ჭაბი დოზა აქვს, მზადაა, დაეხმაროს ისეთ ღარიბ ქვეყნებს, როგორიც საქართველოა.