ჩინეთში კორონავირუსის დიაგნოსტირებისთვის ნაცხს ანალური ხვრელიდან იღებენ. ექსპერტთა თქმით აღნიშნული მეთოდი უფრო სანდო და ზუსტია, რომელიც კორონავირუსს შედარებით მოკლე დროში გამოავლენს. საცდელი ნიმუშების შესაგროვებლად საჭიროა ნაცხის სწორ ნაწლავში დაახლოებით 3-იდან 5 სანტიმეტრამდე შეყვანა და რამდენიმეჯერ დატრიალება. ამ მოქმედების დასრულების შემდეგ ნაცხს სპეციალური ნიმუშის შესანახ ჭურჭელში ათავსებენ. პროცედურა 10 წამის განმავლობაში გრძელდება. ამის შესახებ Dailymail-ი წერს.

17 იანვრიდან დღემდე პეკინის სამ რაიონში სულ სამ მილიონზე მეტი მოქალაქის დიაგნოსტირება მოხდა. იმ სკოლაში, სადაც კოვიდ 19 ახალგაზრდა ბიჭს დაუდასტურდა, სკოლის 1000-მდე მოსწავლესა და მომსახურე პერსონალს ჩაუტარეს გამოკვლევები, რომლის დროსაც აგრეთვე ანალური ტამპონები იქნა გამოყენებული.