შვედეთის ზოოპარკის თანამშრომელი, ვეფხვი და ორი ლომი დაინფიცირდნენ კოვიდ-19-ით- ამის შესახებ ინფორმაციას შვედეთის ეროვნული ვეტერინარული ინსტიტუტი აცხადებს. ვოლიერში მყოფი კატისებრთა ოჯახის ერთ-ერთი წარმომადგენელი მძიმედ დაავადდა - მას სუნთქვასთან თავის ტვინთან დაკავშირებული პრობლემები აღენიშნებოდა.

ვეტერინარული ინსტიტუტის განცხადებით, 17 წლის მდედრი ვეფხვი ეუთანაზიის პრინციპით იქნა დაძინებული, რადგან მისი რესპირატორული და ნეუროლოგიური გართულებები უმძიმესი იყო. გავრცელებული ინფორმაციით, გარეული ცხოველის მდგომარეობა ორი დღის განმავლობაში საგრძნობლად გაუარესდა. ვეფხვის გამოჯანმრთელების პერსპექტივა ძალზე ბუნდოვანი იყო ზოოპარკის ხელმძღვანელობის თქმით. 13 იანვარს ვეფხვის სისხლის ნიმუშებზე კიდევ ერთხელ დადასტურდა კოვიდ-19. ცხოველის აუტოპსიის ჩატარების შემდეგ გამოვლინდა, რომ ვეფხვი კორონავირუსის მიმართ თავიდან სავარაუდოდ ასიმპტომატური უნდა ყოფილიყო.

ექიმების თქმით, არ არსებობს დამადასტურებელი ნიშნები იმისა, რომ ცხოველს პნეუმონია ჰქონდა.