ფრაქცია "ქართული ოცნების" თავმჯდომარემ მამუკა მდინარაძემ უწყებათაშორისი საკოორდინაციო საბჭოს სხდომი დასრუების შემდეგ შეზღუდვების მოხნის თაობაზე ისაუბრა და განმარტა, რომ თუ დაწესებულ რეგულაციებს ახლა მოხსნიან, 2-3 კვირაში ივირუსის გავრცელების მაჩვენებეი ისევ მაღალი იქნება. მდინარაძის თქმით, შეზღუდვები ვინმეს თვითმიზანს არ ემსახურება:

„ბოლო დღეების განმავლობაში სამწუხაროდ, არ ცხრება, მათ შორის სპეკულაციებიც, თუმცა, ჯანსაღი დისკუსიაც არის იმასთან დაკავშირებით, რამდენად მართებულია შეზღუდვების ის ფორმები, თავისი პლუს-მინუსებით, რაც ქვეყანაშია და რომლის ეტაპობრივი მოხსნაც ერთ-ერთი მთავარი დღის წესრიგია. ჩვენ ძალიან კარგად გვესმის, რომ შეზღუდვების განხორციელება საზოგადოების სხვადასხვა ფენისთვის მარტივი არაა, მაგრამ ისიც ძალიან კარგად უნდა გვესმოდეს, რომ შეზღუდვა ვინმეს თვითმიზანი არაა. არანაირი ბენეფიტი შეზღუდვას არ აქვს, გარდა იმისა, რომ ის იცავს ადამიანის ჯანმრთელობას, სიცოცხლეს და რა თქმა უნდა, საბოლოო ჯამში, იცავს ეკონომიკას. ჩვენ გვახსოვს, რომ სულ რაღაც ერთი-ორი თვის წინ, დღეში საშუალოდ 5000 ათასი შემთხვევა გვქონდა. ამას უმძიმესი შედეგები მოჰყვა. გვახსოვს გარდაცვალების მაჩვენებელი. ასევე, იყო პერიოდი, როცა ჯანდაცვის სისტემისთვის ურთულესი ხდებოდა გამკლავებოდა ამ უმძიმეს გამოწვევას. ჩვენ თანმიმდევრული ღონისძიებებით, შეზღუდვებით შევძელით რომ ეს ყველაფერი უმოკლეს დროში ყოფილიყო იმგვარი დინამიკის, რომ დღეს დაახლოებით 1000 შემთხვევა გვაქვს.

ვფიქრობთ, რომ გარკვეული ინდიკატორები იყოს, იყოს გარკვეული დათქმა, რომ მაგალითად, უკანასკნელი 7 დღის განმავლობაში, თუ დადებითობის მაჩვენებელი იქნება 4%-ზე ნაკლები, ეს კიდევ უფრო მეტ საშუალებას მოგვცემს, რომ შეზრუდვების მოხსნაზე უფრო თამამად ვილაპარაკოთ. ამ ინდიკატორზე მნიშვნელოვნადაა დამოკიდებული შეზღუდვების მოხსნა. როგორც კი დადებითობის მაჩვნებელი 4 % ჩამოცდება, ჩვენ დავიწყებთ ფიქრს შეზღუდვების მოხსნაზე, მაგალითად ტრანსპორტის აღდგენაზე. თუ ჩვენ არასწორ გადაწყვეტილებებს მივიღებთ, ზუსტად 2-3 კვირაში მივიღებთ გაცილებით რთულ სიტუაციას და ხელახლა დაგვჭირდება უკვე მოხსნილი შეზღუდვების კვლავ აღდგენა“, - განაცხადა მდინარაძემ.