ავტოსაგზაო შემთხვევა ქუთაისში, ფალიაშვილის ქუჩაზე - ავტომანქანა ქვეითად მოსიარულეს დაეჯახა.

გავრცელებული ინფორმაციით, მძღოლი ახალგაზრდა ქალს იმ დროს დაეჯახა, როდესაც ქუჩას კვეთდა.

დაშავებული სასწრაფო- სამედიცინო დახმარების ჯგუფმა კლინიკაში გადაიყვანა.

ექიმების თქმით, მისი მდგომარეობა სტაბილურია, პირველადი დათვალიერებით, ფეხი აქვს დაზიანებული.

შემთხვევის ადგილზე მობილიზებული იყო საპატრულო პოლიციის რამდენიმე ეკიპაჟი.