ირანის სულიერმა ლიდერმა, ალი ხამენეიმ Twitter-ზე გამოაქვეყნა პოსტი , სადაც საუბარია მოწოდებაზე დონალ ტრამპზე თავდასხმასთან დაკავშირებით, რაც ირანელთა ერთგვარი შურისძიება იქნება რევოლუციის გუშაგთა კორპუსის ელიტური დანაყოფის, ალ ქუდსის მეთაურის, ყასემ სოლეიმანის მკვლელობის გამო.

პოსტზე გამოსახულია ადამიანი, რომელიც აშშ-ს ყოფილ პრეზიდენტს, დონალდ ტრამპს ჰგავს, რომელიც გოლფს თამაშობს სამხედრო თვითმფრინავის ჩრდილის ფონზე.

„შურისძიება გარდაუვალია. სოლეიმანის მკვლელზე და მასზე, ვინც შეუკვეთა სოლეიმანის მკვლელობა შური უნდა იძიონ. მათ შეცდომა დაუშვეს და პასუხი უნდა მიიღონ. მათზე შურისძიება ნებისმიერ დროსაა შესაძლებელი“ - განაცხადა ალი ხამანეიმ.

აღნიშნული პოსტის გამო ტვიტერის მომხმარებლები სოციალური მედიისგან მოითხოვენ, რომ გაუქმდეს აიათოლა ალი ხამანეის ანგარიში.