ჯანდაცვს მინისტრმა, ეკატერინე ტიკარაძის განცხადებით, კლინიკებში დამატებითი რეგულაციები დაწესდება.

მისივე თქმით, თუ რას გეგმავენ კლინიკებთან მიმართებაში, რომლებიც სტანდარტებს ვერ დააკმაყოფილებენ, ამასთან დაკავშირებით მიმდინარეობს მსჯელობა , - ამის შესახებ მან მთავრობის ადმინისტრაციაში გამართულ ბრიფინზე განაცხადა.

"დამატებითი რეგულაციები კლინიკებს აუცილებლად დაუწესდებათ. თქვენ იცით, რომ ჯანდაცვის სამინისტროს გეგმაა სელექტიური კონტრაქტები და კლინიკები უნდა შეესაბამებოდნენ მინიმუმ კლინიკების სტანდარტებს, რომ ეს იყოს უსაფრთხო ჩვენი მოსახლეობისთვის. თუ რას ვგეგმავთ კლინიკებთან მიმართებაში, რომლებიც სტანდარტებს ვერ დააკმაყოფილებენ, ამასთან დაკავშირებით მიმდინარეობს მსჯელობა. ასევე, თქვენ იცით, რომ ჩვენ ვამზადებთ სტრატეგიას ქვეყნის მასშტაბით, რათა მიმდინარე პროცესები და რეფორმები არ იყოს ქაოტური, იყოს თანმიმდევრული და გამჭვირვალე", - განაცხადა ტიკარაძემ.