WhatsApp-ის 2 მილიარდზე მეტ მომხმარებელს მოუწევს, დათანხმდეს აპლიკაციის განახლებულ წესებს ან უარი თქვას მის გამოყენებაზე.

აღნიშნული განახლება 8 თებერვალს უნდა მომხდარიყო, თუმცა კომპანიამ გადაწყვიტა ვადა 15 მაისამდე გადაწიოს.

ამ განახლებების გამო კომპანიას მკაცრად აკრიტიკებენ, ხოლო მომხმარებელთა დიდმა ნაწილმა ალტერნატიული აპლიკაციების ჩამოტვირთვა დაიწყო.

ამ აფდეითის მიხედვით, WhatsApp-ი Facebook-თან გააზიარებს მომხმარებლის ნომერს და იმ სარეგისტრაციო საბაზისო ინფორმაციას, რაც პლატფორმაზე დასარეგისტრირებლადაა საჭირო, მაგ: ტელეფონის მოდელს, ინტერნეტ პროვაიდერს, IP მისამართს - რითიც მარტივად შეიძლება დადგენა, სად იმყოფებით თქვენ და სხვა.