გენეტიკის ეროვნული ლაბორატორიის თანადამფუძნებლის, გიორგი ჩალაძის განმარტებით, საქართველოში შემოვა კორონავირუსის ვაქცინა, რომელსაც მოთხოვნის საფუძველზე, სტრატეგიული პარტნიორი ჰუმანიტარული დახმარების სახით გამოგზავნის.

ჩალაძემ ელისუფლება კვლავ ამხილა - მისი თქმით, აშშ–ის pfizer–თან მოლაპარაკებები არ ჰქონია და ისინი, განგებ განაწყობენ საზოგადოებას ვაქცინის წინააღმდეგ, რომ არ მოუწიოთ ვაქცინის დიდ მოთხოვნაზე პასუხისგება.

"ბატონი პრემიერი და სხვა ბატონები და ქალბატონები რასაც საუბრობენ ნაკლებად სარწმუნოა, ჩვენ ვნახეთ შედეგები, გვეუბნებოდნენ რომ ჯერ შემოქონდათ pfizer, მერე შემოჰქონდათ moderna, მერე astrazeneca, გუშინ ფარდა აეხადა, მარტივ სიმართლეს. pfizer–თან მოლაპარაკება არ აქვთ.

საქართველოში შემოვა პირველი ვაქცინა, რომელსაც ჩვენი სტრატეგიული პარტნიორი გვაჩუქებს, ჩვენ მას უნდა ვთხოვოთ, რომ დაგვეხმაროს ჰუმანიტარულად, ეს ასეც მოხდა უკვე. საქართველოში შემოვა ვაქცინა, რომელიც სანდო იქნება და მათი ეს რიტორიკა არაფერია, თუ არა ხალხის დაბნევა და საწინააღმდეგო განწყობის შექმნა ვაქცინისადმი, მათ არ აწყობთ ვაქცინის მომთხოვნი ხალხის არსებობა, რადგან ვერ შეასრულებენ ამ დავალებას და გამოჩნდებიან, რომკიდევ ერთხელ ჩაფლავდნენ.

ჩინური ვაქცინების შემოტანას შეეცდებიან, თუმცა საზოგადოებამ უნდა დასვას ძალიან მკაცრი კითხვები. astrazeneca რეალურია, თუმცა ბევრი სხვა კარგი ვაქცინა შემოვა. " – ამბობს გიორგი ჩალაძე გადაცემაში "დღის სტუმარი".