ქართველი ე.წ. კანონიერი ქურდის მიდნია გორაძის (ცნობილი, როგორც ლავას ოღლი) ექსტრადირება მონტენეგროში განხორციელდა - ინფორმაციას ლავას ოღლის ადვოკატი ალექსანდრე კობაიძეც ადასტურებს:

"იმის დადასტურება შემიძლია, რომ უკრაინის სახელმწიფოში მისი შესვლა ვერ მოხერხდა და მისი მონტენეგორში გადაფრენა მოხდა, სხვა ინფორმაციას არ ვფლობ, ის საქართველოში არ არის" - განაცხადა კობაიძემ.

შეგახსენებთ, რომ მინდია გორაძე მაშინ დააკავეს, როდესაც ის ბელორუსიიდან უკრაინაში მიდიოდა, თუმცა, უკრაინის საზღვარზე მას საბუთები არ აღმოაჩნდა, რის გამოც ქვეყანამ არ მიიღო. მის ექსტრადირებაზე საქართველომაც უარი განაცხადა.

ლავას ოღლი ე.წ. კანონიერი ქურდობისთვის ორ საქმეზეა მსჯავრდებული, ერთ მათგანზე მას 10 წლით, მეორეზე საქმეზე კი 12 წლით თავისუფლების აღკვეთა შეეფარდა.