ჰოლივუდის მსახიობი ჯორჯ კლუნი ამერიკის შეერთებულ შტატებში, კერძოდ კი ვაშინგტონში განვითარებულ მოვლენებს გამოეხმაურა.

მისი თქმით, დონალდ ტრამპი და მისი ოჯახი ისტორიის ნაგავსაყრელზე არიან მოსროლილნი.

მან საკუთარ განცხადებაში მოიხსენია დონალდ ტრამპის ქალიშვილი ივანკა ტრამპი, რომელიც მამამისის მრჩეველიცაა და უფროსი ვაჟიც დონალდ ტრამპ–უმცროსი.

კლუნის თქმით, მტკივნეულია იმის ყურება თუ რა დაემართა ამერიკული დემოკრატიის მთავარ სიმბოლოს, კაპიტოლიუმის შენობას, რომელიც ტრამპის მხარდამჭერებმა შტურმით აიღეს, რასაც ოთხი ადამიანის სიცოცხლე ემსხვერპლა.

„მომხდარმა დონალდ ტრამპი, ტრამპი–უმცროსი, იანკა და მთელი მისი ოჯახი ისტორიის სანაგვეზე მოისროლა. ეს სახელი სამუდამოდ იქნება ასოცირებული ამბოხთან“, – განაცხადა კლუნიმ.