ამერიკელმა რესპუბლიკელმა კონგრესმენმა, ადამ კინზინგერმა განაცხადა, რომ ამერიკის შეერთებული შტატების საპრეზიდენტო არჩევნებში ჯო ბაიდენმა გაიმარჯვა. კინზინგერის შეფასებით, ამის არ აღიარება წარუმატებლობა იქნება.

ამის შესახებ მან საკანონმდებლო ორგანოში სიტყვით გამოსვლისას განაცხადა.

"ჯო ბაიდენმა მოიგო არჩევნები და შედეგების შეცვლა წარუმატებელი იქნება, ეს ყველამ იცის", - აცხადებს კინზინგერი.

შეგახსენებთ, რომ 6 იანვარს ვაშინგტონში, კაპიტოლიუმთან მიმდინარე ტრამპის მხარდამჭერების აქცია დაპირისპირებაში გადაიზარდა. დემონსტრანტებმა ბარიერი გაარღვიეს და შენობაში შიჭრნენ კონგრესში ევაკუაცია გამოცხადდა, ქალაქში კი კომენდანტის საათი.

შეწყდა სხდომა, რომელზეც არჩევნების შედეგები უნდა დაემტკიცებინათ. სწორედ ამას აპროტესტებდნენ ტრამპის მხარდამჭერები, რადგან მოქმედ პრეზიდენტს სჯერა, რომ მან გაიმარჯვა და არჩევნები გაყალბდა.