აშშ-ს ყოფილი პრეზიდენტის, ბარაკ ობამას შეფასებით, კაპიტოლიუმში განვითარებული მოვლენები ქვეყნისთვის შეურაცხყოფისა და სირცხვილის მომენტია. ობამამ არეულობაში პრეზიდენტი, დონალდ ტრამპი დაადანაშაულა.

"ისტორია სამართლიანად გაიხსენებს კაპიტოლიუმში დღევანდელ ძალადობას, როგორც დიდი შეურაცხყოფისა და სირცხვილის მომენტს ჩვენი ქვეყნისთვის, რომელიც მოქმედი პრეზიდენტის მიერ არის პროვოცირებული. ის აგრძელებდა უსაფუძვლო ტყუილს არჩევნების შედეგებთან დაკავშირებით. თავებს მოვიტყუებთ, თუ ვიტყვით, რომ ეს სრული მოულოდნელობა იყო", - განაცხადა ობამამ.

აქვე, კაპიტოლიუმში ტრამპის მომხრეების შეჭრა აშშ-ს ყოფილმა პრეზიდენტებმა გააკრიტიკეს — ჯორჯს ბუშმა, ბილ კლინტონმა და ჯიმი კარტერმა.

შეგახსენებთ, რომ 6 იანვარს ვაშინგტონში, კაპიტოლიუმთან მიმდინარე ტრამპის მხარდამჭერების აქცია დაირისპირებაში გადაიზარდა. დემონსტრანტებმა ბარიერი გაარღვიეს და შენობაში შეიჭრნენ. კონგრესში ევაკუაცია გამოცხადდა, ქალაქში კი - კომენდანტის საათი.

შეწყდა სხდომა, რომელზეც არჩევნების შედეგები უნდა დაემტკიცებინათ. სწორედ ამას აპროტესტებდნენ ტრამპის მხარდამჭერები, რადგან მოქმედ პრეზიდენტს სჯერა, რომ მან გაიმარჯვა და არჩევნები გაყალბდა.