დედამიწა ავადაა - მსოფლიოში კორონავირუსით დაინფიცირებულების საერთო რაოდენობამ 87 მილიონს გადააჭარბა.

ამის შესახებ ინფორმაციას "worldometers: აქვეყნებს. მათივე ცნობით, მსოფლიოში პანდემიის დაწყების დროიდან კოვიდ 19-ით 1.8 მილიონი პაციენტი გარდაიცვალა, გამოჯანმრთელებულთა რაოდენობა კი 61 მილიონს აღემატება. ამ დროისთვის მსოფლიოში კოვიდ 19-ით ინფიცირების 23.5 მილიონი აქტიური შემთხვევა ფიქსირდება.

ცნობისთვის, კორონავირუსით დაინფიცირებულების რაოდენობით აშშ ლიდერობს, მეორე ადგილს ინდოეთი იკავებს, მესამეს - ბრაზილია, მეოთხეს - რუსეთი, მეხუთეზე კი - დიდი ბრიტანეთია.

შეგახსნებთ, რომ ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა.