ვაშინგტონის მერმა პრეზიდენტ დონალდ ტრამპის მომხრეთა საპროტესტო აქციის წინ ეროვნული გვარდიის მობილიზება მოახდინა. მოქმედი პრეზიდენტის მომხრეები კონგრესის მიერ პრეზიდენტად ჯო ბაიდენის გამარჯვების მოსალოდნელ დადასტურებას აპროტესტებენ.

საპროტესტო გამოსვლები 5 და 6 იანვარს გაიმართება და 6 იანვარს კონგრესში დაგეგმილ კენჭისყრას ემთხვევა, რომელმაც 3 ნოემბრის არჩევნების შედეგები უნდა დაამტკიცოს.

300-ზე მეტი ეროვნული გვარდიელი იქნება მზად ხალხის მასების გასაკონტროლებლად, ნათქვამია კოლუმბიის ოლქის ეროვნული გვარდიის განცხადებაში.