დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ განაცხადა, რომ იმ ადამიანს, ვისაც კორონავირუსის ახალი შტამი დაუდასტურდა, მოგზაურობის ისტორია არ ჰქონია, თუმცა ის იყო კონტაქტი ადამიანის, რომელსაც მოგზაურობის ისტორიაც ჰქონდა.

იმაძემ აღნიშნა, რომ პაციენტს კორონავირუსის ახალი შტამი დეკემბრის მეორე ნახევარში დაუდასტურდა.

"მას არ აქვს მოგზაურობის ისტორია, მაგრამ მას ჰქონდა კონტაქტი მანამდე, სანამ ავად გახდებოდა, ადამიანთან, ვისაც ჰქონდა მოგზაურობის ისტორია. მოძიებულია იმ ადამიანის ნიმუში, მიმდინარეობს მისი სეკვენირება. ის ადამიანი საქართველოში აღარ არის", - თქვა პაატა იმნაძემ.

იმნაძის ინფორმაციით, იზოლაციაში მყოფმა პირებმა 14 დღე უკვე გაიარეს და არ დაუდასტურდათ ახალი შტამი.

შეგახსენებთ, რომ საქართველოში ახალი შტამი გუშინ, 4 იანვარს დადასტურდა.