დაავადებათა კონტროლის ცენტრის დირექტორის მოადგილემ ,პაატა იმნაძემ მთავრობის ადმინისტრაციაში გამართულ ბრიფინგზე განაცხადა, რომ შესაძლო რეინფიცირების 10-მდე შემთხვევას სწავლობენ.

იმნაძის განმარტებით, ამის დადგენა საკმაოდ რთული საქმეა, მსოფლიოში კი სულ რამდენიმე შემთხვევაა დადასტურებული.

"მოძიებული იქნა გენეტიკური ნიმუშები ამ პაციენტების და უნდა შესწავლილი იქნას ორივე დადებითი ნიმუშის გენეტიკური სეკვენსები იმისთვის, რომ ითქვას, ეს ხომ არ არის... ყველა ვარიანტში ცოტათი გენეტიკური ცვლილება მოხდებოდა, თუ ეს არის რეინფიცირება.

ეს არ არის ადვილი საქმე, მსოფლიოში სულ რამდენიმე შემთხვევაა აღწერილი. ამას სჭირდება სამეცნიერო მტკიცებულებები, რომლებიც უნდა იყოს დამყარებული ვირუსის გენეტიკურ შესწავლაზე", - განაცხადა იმნაძემ.

შეგახსენებთ, რომ კორონავირუსის ახალი შტამი საქართველოში 4 იანვარს დადასტურდა.