ოკუპირებულ გალში მოსახლეობის ევაკუაცია დაიწყო - თვითაღიარებული რესპუბლიკის რამდენიმე სოფელში - ზემო-ბარგებში, სიდასა და რეპო-ეწერში ტყის ხანძრის კერების გამო ე.წ. საგანგებო სიტუაციების მინისტრმა ლევ კვიცინიამ ადგილობრივი მოსახლეობის ევაკუაცია გამოაცხადა.

გავრცელებული ინფორმაციით, ძლიერი ქარის გამო ცეცხლი სახლებსა და შენობებს მოედო და მისი ლოკალიზება ვერ ხერხდება.

ჯერ-ჯერობით დაუზუსტებელია ხანძრის ზუსტი ფართობი, თუმცა მის ლოკალიზებას რამდენიმე სახანძრო-სამაშველო ჯგუფი სხვადასხვა ლოკაციაზე ცდილობს.