ირანში ურანის 20 %-ით გამდიდრების პროცესი მიწისქვეშა ბირთვუს ობიექტებში განაახლეს. ამის შესახებ ხელისუფლების წარმოამდგენლებმა საჯაროდ განაცხადეს- აღნიშნული პროცესით თეირანი უკვე ოფიციალურად არღვევს 2015 წლის ბირთვული შეთანხმების პირობებს. ამის შესახებ REUTERS-ი წერს.

აღნიშნულ ფაქტს გამოეხმაურა ისრაელის პრემიერ-მინისტრი ბენიამინ ნეთანიაჰუ, რომელმაც აღნიშნა, რომ ირანი მიზნად ისახავს ბირთვული იარაღის შექმნას, რომელიც მიზანმიმართულია ისრაელის წინააღმდეგ, რასაც ოფიციალური იერუსალიმი არ დაუშვებს და თეირანს არ მისცემს თავისი სახიფათო გეგმების განხორციელების უფლებას.

ირანის მიერ ურანის გამდიდრების გადაწყვეტილების ფონზე ძალზე იზრდება უკანასკნელი დღეების განმავლობაში დაძაბულობა აშშ-სა და ირანის ხელისუფლებებს შორის.

„ ფორდოვის ბირთვულ ობიექტზე რამდენიმე წუთის წინ დაიწყო ურანის 20 %-ით გამდიდრების პროცესი“ - განუცხადა ირანის სახელმწიფო მედიან მთავრობის წარმომადგენელმა ალი რაბემ. ბირთვული ბომბის მისაღებად მინიმუმ საჭიროა ურანის 80 %-მდე გამდიდრება.