წალენჯიხაში, მთის ფერდობებზე გაჩენილი ხანძრის კერებიდან ორი სრულად ლოკალიზებულია - დამწვარია დაახლოებით, ორ ჰექტარამდე ტერიტორია.

სქურში კი ადგილის მიუვალობის გამო ადგილზე ცოცხალი ძალა მუშაობს.

მეხანძრე-მაშველები სპეციალურ ტექნიკასთან ერთად ადგილზე მთელი ღამის განმავლობაში მუშაობდნენ და მონიტორინგს ახორციელებდნენ.

ხანძრის გამომწვევი მიზეზი, სავარაუდოდ, დაუდევრობა გახდა.

შეგახსენებთ, რომ ცეცხლი წუხელ საღამოს გაჩნდა და ტყის ქვედა საფარს მოედო, თუმცა დასახლებულ პუნქტამდე არ მიუღწევია.