აშშ-ის პრეზიდენტი, დონალდ ტრამპი 6 იანვარს, ვაშინგტონში, მასშტაბურ საპროტესტო აქციას აანონსებს.

"6 იანვარს, 11:00 საათზე ვაშინგტონში დიდი საპროტესტო აქცია გაიმართება. ადგილმდებარეობასთან დაკავშირებით დეტალები მოგვიანებით დაზუსტდება. შეაჩერე ქურდობა! დაიცავი ჩვენი არჩევნები!“ - წერს დონალდ ტრამპი.

ამ დღეს კონგრესის ორივე პალატის ერთობლივ სხდომაზე საპრეზიდენტო არჩევნების შედეგები დამტკიცდება. პროცედურის მიხედვით, კონგრესის წევრები უფლებამოსილნი არიან ამა თუ იმ შტატში არჩევნების შედეგების დამტკიცება წერილობითი ფორმით გააპროტესტონ. ამ შემთხვევაში, სხდომა შეწყდება და კონგრესის ორივე პალატა საკითხს ცალკე განიხილავს და კენჭს უყრის. თუ აშშ-ის კონგრესის ერთი პალატა მაინც არ დაეთანხმება არჩევნების შედეგების გაპროტესტებას, პროტესტი უარყოფილი იქნება.