ორგანიზაცია Christian aid-ის მიერ ჩატარებული კვლევების საფუძველზე დადგინდა, რომ 2020 წელს მომხდარი ბუნებრივი კატასტროფები ძალზე დიდი ზიანის მომტანი აღმოჩნდა მსოფლიოსთვის და ამ მხრივ 2019 წლის ზარალის მაჩვენებელს საგრძნობლად გადააჭარბა. საერთო ჯამში დედამიწას 150 $ მილიარდი დოლარის ზარალი მიადგა, აგრეთვე საგრძნობი და შემაშფოთებელი ტენდენცია შეიმჩნევა გლობალური დათბობის გაუარესების მხრივ- ამ პროცესის დაჩქარებას კი თავის მხრივ ბუნებრივი კატასტროფების სიხშირეც ხელს უწყობს. ამის შესახებ წერს GUARDIAN-ი.

ბუნებრივმა კატასტროფებმა 2020 წელს სულ 3500 ადამიანი შეიწირა, ხოლო 13.5 მილიონზე მეტი კი იძულებით გადაადგილებულ პირად აქცია. წელს განსაკუთრებით მასშტაბური ინტენსივობით გამოირჩა ავსტრალიაში მიმდინარე ხანძრები, აგრეთვე უწყვეტი ქარიშხლების სერია ატლანტის ოკეანის სანაპიროების ზონაში მყოფ ქვეყნებში. ექსპერტების შეფასებით, დანაკრგების რაოდენობა სავარაუდო ოფიციალურ ციფრებთან შედარებით გაცილებით მეტია.