ფრანგული მოდის ლეგენდარული დიზაინერი, პიერ კარდინი 98 წლის ასაკში ნუილის საავადმყოფოში გარდაიცვალა. ამის შესახებ ინფორმაციას ფრანგული მედია ავრცელებს. კარდინი 1922 წელს დაიბადა იტალიაში და მცირეწლოვან ასაკში საფრანგეთში წავიდა ემიგრაციაში.

მან თავისი მოდის სახლი 1950 წელს დაარსა და ათწლეულების განმავლობაში მსოფლიო მოდის იმპერიაში უდიდესი წვლილი შეიტანა. მას მოდის კრიტიკოსები განსაკუთრებულად აფასებდნენ თავისი უნიკალური ხედვებისა და თავისებური სტილის დანერგვისათვის.

დიზაინერი განსაკუთრებებით ცნობილი გახდა ე.წ მომავლის ხედვის კოსმოსური სტილის შემუშავებისათვის 1960-1970-იან წლებში. იგი განსაკუთრებით კლასიკური ხაზის მიმდევარი იყო როგორც ქალებში ასევე მამაკაცებშიც.