ჯანდაცვის მსოფლიო ორგანიზაციის (WHO) ევროპის რეგიონული დირექტორის, ჰანს კლუგეს, თქმით, კორონავირუსის ახალი ვარიანტი (VOC-202012/01) ევროპის 8 ქვეყანაში დაფიქსირდა. აღნიშნულ ინფომაციას "ტვიტერზე" აქვეყბენებს:

"სასიცოცხლოდ მნიშვნელოვანია დაცვის ზომების გაძლიერება. შტამი ახალგაზრდა ასაკობრივ ჯგუფებში მეტად ვრცელდება".

კორონავირუსის ახალი, უფრო გადამდები შტამი საფრანგეთშიც აღმოაჩინეს. საფრანგეთის ჯანდაცვის სამინისტრომ განაცხადა, რომ საფრანგეთის მოქალაქეს, რომელიც ცოტა ხნის წინ დაბრუნდა ლონდონიდან სამშობლოში, კორონავირუსის ახალი შტამი დაუდგინდა.

სამინისტროს ინფორმაციით, ინფიცირებული საფრანგეთში 19 დეკემბერს დაბრუნდა, მას შემდეგ თვითიზოლაციაში იმყოფება და თავს კარგად გრძნობს.