"მძინარე მოსახლეობის სახლებს ცეცხლი წაუკიდეს, ადამიანები დანებით დაჩეხეს და ცეცხლსასროლი იარაღებით დაცხრილეს"- ეთიოპიაში შეიარაღებულმა დაჯგუფებებმა ერთ ღამეში 100-ზე მეტი ადამიანი მოკლეს

მსოფლიო - 11:40, 25 Dec, 2020

2196

ეთიოპიელმა სამხედროებმა მკვლელობაში ეჭვმიტანილი 40-ზე მეტი ადამიანი მოკლეს. გავრცელებული ინფორმაციით, აღნიშნულ პირებს ბრალად ედებოდათ 100-მდე ადამიანის, მათ შორის ქალებისა და ბავშვების მასობრივი დახოცვა ბენიშანგულ-ღუმუზის რეგიონში. ამის შესახებ წერს BBC-ი. უსაფრთხოების კრიზისის გამო დაპატიმრებულია აგრეთვე ხუთი მოქმედი და ყოფილი მთავრობის მაღალჩინოსნები.

ბრიტანული გამოცემის თქმით, ოთხშაბათს თავდამსხმელებმა სოფელში მცხოვრები მძინარე მოსახლეობის სახლებს ღამით ცეცხლი წაუკიდეს, ათეულობით ადამიანს ცეცხლსასროლი იარაღითა და დანებით სასიკვდილო ჭრილობა მიაყენეს. შემთხვევა მას შემდეგ მოხდა, როდესაც რეგიონს პრემიერ-მინისტრი, აბი აჰმედი ესტუმრა.

ამ დრომდე უცნობია თუ ვინ იყვნენ თავდამსხმელები, თუმცა ის ფაქტი ნათელია, რომ მათ თავდასხმის სამიზნედ ეთნიკური უმრავლესობა „ამოიღეს“. ეთიოპიაში პოლიტიკურ, ეთნიკურ და რელიგიურ ნიადაგზე ძალადობა უკანასკნელი წლების განმავლობაში იზრდება. ქვეყანაში 2018 წელს იძულებით გადაადგილებულთა რაოდენობამ 1.8 მილიონი შეადგინა.