თბილისში ავტოგასამართი "გალფი" და მარაზია "იოლი" დააყაჩაღეს - ბოროტმოქმედმა "გალფის" ოპერატორს იარაღის მუქარით 100 ლარი გასტაცა, ხოლო "იოლიდან" წაღებულია 200 ლარი.

სამართალდამცველებმა 1987 წელს დაბადებული ო.ტ., ყაჩაღობის ბრალდებით, მალევე დააკავეს.

აღნიშნული ინფორმაცია "ნიუპოსტს" შსს-მ დაუდასტურა.

უწყებაში აცხადებენ, რომ სამართალდამცველებმა, ჩატარებული ღონისძიებების შედეგად, ყაჩაღობაში ბრალდებული ცხელ კვალზე დააკავეს. პოლიციამ, მისი პირადი ჩხრეკისას, დანაშაულის ჩადენის იარაღი - "RETAY XR"-ის მოდელის ხმოვანი პისტოლეტი ნივთმტკიცებად ამოიღო.

დაკავებული ბრალდებას აღიარებს.

ყაჩაღობის ფაქტზე გამოძიება საქართველოს სისხლის სამართლის კოდექსის 179-ე მუხლით მიმდინარეობს.

დანაშაული 5-დან 7 წლამდე ვადით თავისუფლების აღკვეთას ითვალისწინებს.