თბილისის ინფექციური საავადმყოფოს დირექტორი, თენგიზ ცერცვაძე ვარაუდობს, რომ ფაიზერის ვაქცინას საქართველო არ შეისყიდის, რადგან -80⁰-ზე შენახვის შესაძლებლობა ქვეყანას არ აქვს. მისი შეფასებით, საქართველოსთვის უფრო სასურველი მოდერნას ვაქცინაა, რადგან მას -20⁰-იანი მაცივარი სჭირდება.

მისივე თქმით, ან ყველაზე კარგი ოქსფორდის უნივერსიტეტის ასტრაზენეკაა, რომელსაც ჩვეულებრივი მაცივრის ტემპერატურაზე ინახავენ და ეფექტი იგივეა.

"მგონია, ფაიზერს ჩვენები არ აიღებენ. ფაიზერი ძალიან კარგია, მაგრამ -80⁰-ზე უნდა ინახებოდეს. ამის საშუალება მსოფლიოში რამდენიმე ქვეყანას აქვს. საქართველოში გვაქვს -80⁰-იანი მაცივრები, მაგრამ სულ ერთეულები, მაგალითად, ჩემს სამსახურში ორი დგას. მასობრივად, განსაკუთრებით რაიონებში -80⁰-იანი მაცივრები არ არის", - განაცხადა ცერცვაძემ „იმედის“ ეთერში.

ცერცვაძის ვარაუდით, საქართველო წამყვანი ქვეყნების შემდეგ კორონავირუსის ვაქცინას ერთ-ერთი პირველი მიიღებს და ეს, სავარაუდოდ, თებერვალში მოხდება.